Sot në Komunën e Vitisë është bërë përurimi i bustit të ish-ambasadorit të OSBE-së dhe diplomatit amerikan, William Walker.
Poashtu, atij i është dhënë edhe çelësi i qytetit.
Kryetari i Komunës së Vitisë, Sokol Haliti, së fundmi ka shkruar një status në Facebook, ku është shprehur se Vitia dhe e gjithë Kosova duhet të ndihen të nderuar për prezencën e ish ambasadorit të SHBA-së në misionin e OSBE-së dhe diplomatin e njohur amerikan, William Walker.
Postimi i plotë:
“Të nderuar qytetarë të komunës së Vitisë
Sot Vitia dhe e gjithë Kosova duhet të ndihet e nderuar, pasi që kishim mysafir mikun tonë të madh të Kosovës, ish ambasadorin e SHBA-së në misionin e OSBE-së dhe diplomantin e njohur amerikan, William Walker. Me këtë rast me propozimin tim por edhe me votat e të gjithë anëtarëve të Kuvendit Komunal të Vitisë e shpallëm atë “Qytetar nderi të Vitisë” duke i dorëzuar atij jo vetëm vendimin e Kuvendit por edhe çelësin e qytetit dhe duke zbuluar bustin e tij.
Ju jemi mirënjohës përjetësisht ambasadorit Walker për punën e tij që ka bërë dhe po bënë për Kosovën vazhdimisht! Zoti bekoftë popullin amerikan!”, shkroi Haliti./Arbresh.info/
LEXO EDHE:
Asambleja e Përgjithshme e OKB mbledh sot liderët botërorë, ...
Hungari/ Merret në pyetje drejtuesja e kompanisë e lidhur me...
Moti sot në Shqipëri
Shea: Masat e BE-së ndaj Kosovës mund të hiqen këtë vjeshtë
Sot mbahet Maratona e Prishtinës
Dita e fundit e verës me diell, temperatura maksimale arrin ...