Google ADS

Policia gjuan me armë zjarri në veri, pasi një person goditi me veturë një polic

14:29 | 13 Janar 2024
Rreze Sylhasi

Policia e Kosovës ka shtënë me armë zjarri në drejtim të një personi para pak minutash në Mitrovicën e veriut.

Lajmin e për Arbresh.info e ka konfirmuar zëdhënësi i Policisë për Mitrovicën e Veriut, Veton Elshani, i cili tha se i dyshuari paraprakisht e ka goditur me veturë një polic.

“Rreth ores 12:00 në Suhodoll derisa Policia kishte bërë përpjekje për të ndaluar një veturë e cila dyshohej se kishte narkotikë, i njëjti e ka goditur me veturë policin i cili ishte në këmbë e poashtu edhe veturën e policisë. Në përpjekje për të larguar sulmin nga vetja, policia ka shtënë me armë zjarri por nuk ka të lënduar. Personi i dyshuar e ka lënë veturën në vend të ngjarjes dhe ka ik në këmbë”, deklaroi ai.

Elshani poashtu tha se Policia eshtë në vendin të ngjarjes dhe po merret me rastin./Arbresh,info/

Shpërndaje në rrjete sociale

Lajmet më të lexuara

Të ngjashme

Foto lajm