Miratohet inicimi i procedurës së shpronësimit për restaurimin e Kompleksit “Masakra e Reçakut”

22:12 | 10 Janar 2024
E.H

Është miratuar sot inicimi i procedurës së shpronësimit për restaurimin e Kompleksit Memorial “Masakra e Reçakut”, vetëm pesë dit para përvjetorit jubilar të 25-të të kësaj masakre.

Kështu ka bërë të ditur, kryetari i Komunës së Shtimes, Qemajl Aliu përmes një postimi në llogarinë e tij në Facebook, përcjell Arbresh.info.

“Ky veprim nënkupton krijim të hapësirës shtesë për konservimin e këtij Kompleksi, duke siguruar trajtim të duhur, të përshtatshëm e të dinjitetshëm për këtë monument që simbolizon dhe është gur i provës e i të vërtetës për një ngjarje makabre që ka ndodhur më 15 janar 1999 në fshatin Reçak, duke masakruar civilë të paarmatosur të të gjitha moshave”, ka shkruar Aliu.

“Kompleksi Memorial “Masakra e Reçakut” e ka vëmendjen e merituar të institucioneve të Republikës së Kosovës përkitazi me relevancën e jashtëzakonshme historike që Memoriali përfaqëson”, shtoi më tej ai./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm