Spektakli i shumëpritur dhe i ndjekur nga publiku shqiptar, “Big Brother VIP Kosova 2”, po ecën hapa të sigurtë drejt mbylljes së edicionit të tij të dytë.

Me kalimin e muajve, banorët kanë arritur të kalojnë më shumë se gjysmën e kohës së tyre në shtëpinë e shquar për dinamikat e saj, duke u bërë shkak për diskutime, shfaqje të ndryshme të karaktereve dhe momente të paharruara.

Shikueshmëria e lartë dhe momentet që kanë mbajtur publikun në ankth për fatin e banorëve kanë siguruar që ky edicion të kalojë në historinë e televizionit si një nga më të ndjekurit dhe të komentuarit. Përplasjet, miqësitë, dashuritë dhe intriga të cilat kanë lulëzuar ndër muret e BBVK janë tashmë pjesë e bisedave të përditshme të adhuruesve të spektaklit.

Megjithatë, siç ndodh me çdo gjë, edhe kjo përvojë spektakolare ka një përfundim.

Sipas opinionistit të njohur Bledi Mane, i cili është ndjekur nga fansat e Big Brother VIP për komentet e tij të drejtpërdrejta dhe analizat, ka ardhur koha për të zbuluar kur do të jetë finalja e shumëpritur.

Pas pyetjeve të shumta nga ndjekësit rreth zgjatjes së mundshme të spektaklit, Bledi ka dhënë një përgjigje të qartë dhe të shkurtër për të gjithë ata që presin me padurim mbylljen e këtij kapitulli të BBVKS. “Finalja e madhe do të jetë më 2 shkurt”, ka konfirmuar Mane përmes një fotografie në InstaStory.

Ky lajm pa dyshim se do të jetë fillimi i fazës së fundit të spektaklit, ku pritshmëritë dhe emocionet do të shtohen derisa të njihen finalistët dhe fituesi i madh i Big Brother VIP Kosova 2./telegrafi