Balla: 30 të arrestuar brenda 24 orëve në Shqipëri, sekuestrohen lëndë narkotike, armë e municion

19:45 | 9 Janar 2024
E.H

Ministri i Brendshëm i Shqipërisë, Taulant Balla ka njoftuar se brenda 24 orëve të fundit janë arrestuar 30 persona nga operacioni policor “Sundimi i ligjit” dhe “Tempulli”.

Me anë të një postimi në Facebook, Balla ka shtuar se janë sekuestruar lëndë narkotike, armë zjarri, municion luftarak dhe armë të ftohta,

“30 shtetas të arrestuar/të proceduar gjatë 24 orëve të fundit në Tiranë, Durrës, Fier, Lezhë, Shkodër, Vlorë, Dibër dhe Elbasan.
Janë sekuestruar 5 kilogramë lëndë narkotike kanabis, një sasi kokainë, 3 armë zjarri, municon luftarak dhe armë të ftohta.
Pres rezultate më të mira kryesisht në drejtim të parandalimit të ngjarjeve kriminale, të zbardhjes së atyre të ndodhura më parë, të armëmbajtjes pa leje dhe të shpërndarjes së lëndëve narkotike”, ka shkruar Balla./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm