Policia e Kosovës në kuadër të angazhimeve gjatë 24 orëve ka shqiptuar 370 gjoba në rajonin e Prishtinës.

Sipas policisë, përveç planit operativ kanë marrë edhe denoncime nga qytetarët, shkruan Arbresh.info.

“Policia e Rajonit të Prishtinës respektivisht, Njësiti Rajonal i Trafikut rrugor, po vazhdon me implementimin e planeve operative për kontrollin e shtuar në trafik. Në kuadër të këtyre angazhimeve gjatë 24 orëve të fundit në rajonin e Prishtinës janë shqiptuar 370 gjoba.”, thuhet në njoftimin e policisë.

“Përveç planeve policia ka pranuar denoncime nga qytetarët/mediat për shkeleje të ndryshme nga ngasës të automjeteve në trafik. Pjesë e punës së zyrtarëve të njësitit të trafikut ka qenë edhe identifikimi dhe gjobitja e tyre.”, thuhet tutje.

Ndër të tjera, policia bën të ditur se angazhimet për sigurinë në trafik do të kenë shtrirje në të gjitha rrugët e rajonit të Prishtinës dhe do të vazhdojnë deri sa të vlerësohet që është arritur efekti i dëshiruar./Arbresh.info/