Pas zërave të ndarjes, Dafina Zeqiri zbulon detaje të tjera rreth lidhjes me Kreshnikun

12:32 | 7 Janar 2024
E.H

Rreth jetës private të Dafina Zeqirit dhe partnerit të saj, Kreshniku, së fundmi kanë qarkulluar spekulime për një ndarje të mundshme.

Dyshimet u nxitën kur u vërejt se Kreshniku mungonte nga lista e ndjekësve të Dafinës në Instagram, një detaj që shpesh interpretuhet si një shenjë e ndarjes në botën e rrjeteve sociale.

Megjithatë, duket se çifti ka zgjedhur një mënyrë origjinale dhe të drejtpërdrejtë për të shuar këto zëra.

Dafina Zeqiri i është përgjigjur spekulimeve me humor dhe dashuri, duke ndarë një fotografi në të cilën shihen të dy të lumtur bashkë, me një mbishkrim që hedh poshtë çdo dyshim: “Tu e përpilu listën e dasmës”.

Ky postim konfirmoi jo vetëm që çifti është ende së bashku, por edhe se janë në fazat përgatitore të një ngjarjeje mjaft të rëndësishme, martesën e tyre.

Kreshniku ka bërë hapin e madh më parë, duke i propozuar martesë bukuroshes së skenës muzikore shqiptare, dhe Dafina ka pranuar. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm