Google ADS

Osmani përfundon mandatin si kryesues i OSBE-së, dënon sulmet e fundit të Rusisë mbi Ukrainën

17:58 | 29 Dhjetor 2023
KRG

Maqedonia e Veriut përfundon këtë të premte kryesimin e Organizatës për Siguri dhe Bashkëpunim në Evropë – OSBE.

Kështu ka bërë të ditur kryesuesi i saj, Bujar Osmani, i cili përmes një qëndrimi ka dënuar sulmet e fundit të Rusisë ndaj Ukrainës, transmeton KlanKosova.tv.

“Derisa mandatit tim po i vjen fundi, zemërthyer po e kaloj ditën e fundit të punës duke dënuar sulmet brutale dhe të pandërprera gjatë natës së fundit të Federatës Ruse. Sulmi i tmerrshëm I natës së fundit me 100 raketa dhe dronë të panumërt, shënjestëruan pa mëshirë civilë, reparte materniteti, shkolla dhe spitale”, ka shkruar Osmani.

“Në një ditë që duhet me reflektim dhe dëshirë për festa, ne po përballemi me realitetin e tmerrshëm të mizorisë së luftës”.

“Qytetarët ukrainas u zgjuan me terrorin e shpërthimeve, një kolonë zanore e padurueshme që duhet të jehojë në veshët e botës. Le të jenë këta tinguj një thirrje për veprim”.

Shpërndaje në rrjete sociale

Lajmet më të lexuara

Të ngjashme

Foto lajm