Google ADS

Bllokohet Beogradi, ngriten tenda nga protestuesit kundër Vuçiqit

14:59 | 29 Dhjetor 2023
K.B

Studentët filluan më 29 dhjetor një bllokadë 24-orëshe të kryqëzimit të rrugëve në qendër të Beogradit, duke protestuar pas akuzave për parregullsi në zgjedhjet e 17 dhjetorit dhe duke kërkuar nga autoritetet atje që të lejojnë hapjen e listës së votuesve.

Ky lokacion është një nga më të ngarkuarit në kryeqytetin e Serbisë.

Ata po bllokojnë kryqëzimin e rrugëve Birçaninova dhe Kneza Millosha, në afërsi të ndërtesës së Ministrisë së Administratës Shtetërore dhe Vetëqeverisjes Lokale.

Siç raportoi një gazetar i Radios Evropa e Lirë (RSE), policia rrugore po rregullon trafikun në një zonë dhe po shmang automjetet.

Rruga Kneza Milosha është një nga rrugët më të frekuentuara në kryeqytet.

Siç njoftuan më herët, bllokada do të zgjasë 24 orë deri të shtunën e 30 dhjetorit në mesditë, kur planifikojnë t’i bashkohen protestës së paralajmëruar nga përfaqësues të “ProGlas”, nismë e nisur para zgjedhjeve, e firmosur nga më shumë se 190 mijë qytetarë.


Shpërndaje në rrjete sociale

Lajmet më të lexuara

Të ngjashme

Foto lajm