Mbi 800 konkurrentë të ri i nënshtrohen provimit pranues në Policin e Shqipërisë

16:17 | 27 Dhjetor 2023
E.H

Ministri i Brendshëm i Shqipërisë, Taulant Balla ka njoftuar se 824 konkurentë nga i gjithë vendi i janë nënshtruar provimit për tu pranuar në Policin e Shtetit – Patrullë e Përgjithshme.

Me anë të një postimi në Facebook, Balla ka thënë se sfida për ta rinuar policinë e shteti është e hapur, teksa shtoi se kjo është një detyrë e rëndësishme publike.

“824 konkurentë nga e gjithë Shqipëria merren në provim për tu pranuar në Policinë e Shtetit – Patrullë e Përgjithshme Sfida për ta rinuar policinë e shtetit është e hapur. Duke u bërë oficer policie ju keni mundësinë të zhvilloheni profesionalisht dhe personalisht si dhe të bëni diferencë pozitive në komunitetin tuaj. Ju do të mbroni rendin publik, parandaloni dhe hetoni krimin. Është një detyrë e rëndësishme publike, shumë sfiduese, e cila ju jep mundësinë të shikoni impaktin direkt të punës tuaj”, ka shkruar Balla./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm