Google ADS

Kërkohet nga Reali dhe Barcelona, Julian Alvarez thyen heshtjen dhe i kthen përgjigje dy gjigantëve të La Ligas

10:42 | 25 Dhjetor 2023
E.G

Julian Alvarez është një nga sulmuesit më të mirë në botë dhe po shkëlqen edhe këtë sezon me Manchester Cityn.

Sulmuesi argjentinas këtë vit ka pasur më shumë hapësira nën urdhrat e Pep Guardiolas dhe besimin e ka shpërblyer me gola dhe asistime.

23-vjeçari në 26 ndeshje zyrtare, ka realizuar 10 gola dhe ka asistuar në nëntë të tjerë në të gjitha garat.

Real Madrid dhe Barcelona janë dy skuadrat që e duan atë, por duket se Alvarez nuk e ka ndërmend të largohet nga City.

Reprezentuesi argjentinas ka thënë se është i lumtur te City dhe nuk e mendon largimin nga kampioni aktual i Botës.

“E vërteta është se jam shumë i lumtur në Manchester City. Unë kam qenë në klub për pak më shumë se një vit. Ndihem shumë i lumtur me gjithçka që kemi arritur”.

“Tani qëllimi ynë është të konkurrojmë dhe të përpiqemi t’i fitojmë ata trofe sërish”, ka deklaruar Alvarez. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm