Google ADS

Ministri Ejup Maqedonci prit në takim ambasadorin e Austrisë në Kosovë

15:39 | 22 Dhjetor 2023
L G

Ministri i Mbrojtjes, Ejup Maqedonci, priti sot në takim ambasadorin e Austrisë në Kosovë, George Schnetzer, të cilin e falënderoi për mbështetjen e vazhdueshme që Austria i ka ofruar Kosovës në fusha të ndryshme, si në ekonomi, arsim e mbi të gjitha në fushën e sigurisë e mbrojtjes, si pjesë e trupave të KFOR-it.

“Në takimin e mbajtur, ministri Maqedonci e njoftoi ambasadorin austriak për situatën e sigurisë në vend dhe gjithashtu përparimet që FSK ka arritur në implementimin e Planit Gjithëpërfshirës të Tranzicionit”, thuhet në njoftim.

Të dy u dakorduan për të vazhduar bashkëpunimin dhe thellimin e marrëdhënieve të shkëlqyera ndërmjet dy shteteve, me qëllim përmbushjen e synimit për ruajtjen e paqes, stabilitetit dhe mbrojtjes së vlerave perëndimore./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm