Vetëm anëtarësimi i të gjitha shteteve të Ballkanit në NATO, mund të sjell paqe në rajon.
Kështu tha presidentja Vjosa Osmani sot pas takimit me homologun e saj bullgar, Rumen Radev, raporton Arbresh.info.
“Vetëm anëtarësimi në NATO i gjithë shteteve të Ballkanit mund të sjell paqe në tërë rajonin tonë. Udhëheqja e guximshme e aleatëve tanë janë të nevojshme për të përshpejtuar vendet demokratike në BE dhe NATO, sepse çdo hezitim u jep hapësirë keqdashësve për ta destabilizuar rajonin dhe botën”, tha Osmani.
Sipas të parës së shtetit, Bullgaria ka dhënë kontribut të jashtëzakonshëm në shtet-ndërtimin e Kosovës.
“Bullgaria ka dhënë kontribut në çdo etapë në shtet-ndërtimin e Kosovës, si pjesëmarrje në KFOR, me njohje të shtetit të Kosovës e kështu më radhë dhe në fund me përkrahje duke votuar pro anëtarësimit të Kosovës në Këshillin e Evropës”, u shpreh Osmani.
Ajo e quajti Bullgarinë shtet aleat i Kosovës.
“Për ne raporti me Bullgarinë ka qenë i një rëndësie të veçantë dhe së bashku mund ta ruajnë paqen jo vetëm në Kosovë por edhe në rajon”, tha Osmani./Arbresh.info/
Tensionet Izrael-Hezbollah/ Biden: Po bëjmë çdo gjë për të p...
Rama në OKB: Urdhri Bektashi, qendër tolerance
Turbulencat në ajër? 10 gjëra që duhet të dini për një udhët...
Kurti: Kosova është fener i demokracisë dhe të drejtave të n...
Milan triumfon në derbin “Della Madonnina”
Për shkak të asfaltimit, rruga Prizren-Prevallë do të mbylle...