Ministri i Jashtëm i Shqipërisë, Igli Hasani ka shprehur ngushëllimet për sulmin me armë në një universitet në Pragë, ku mbetën të vrarë 15 persona.
Me anë të një postimi në “X”, Hasani thotë se Shqipëria solidarizohet me Çekinë në këto momente të vështira, shkruan Arbresh.info.
“Thellësisht i pikëlluar nga të shtënat tragjike në Pragë sot, që rezultuan në humbjen e disa jetëve të pafajshme. Ngushëllimet e mia të përzemërta për familjet e prekura dhe i uroj shërim sa më të shpejtë të plagosurve. Shqipëria solidarizohet me miqtë tanë çekë në këtë moment të vështirë”, shkroi ai.
Më tej kreu i diplomacisë shqiptare bën të ditur gjithashtu se nga informacionet e deritanishme, nuk ka shqiptarë të lënduar nga ky sulm me armë.
“Ministria për Evropën dhe Punët e Jashtme është në kontakt të vazhdueshëm me ambasadën e Republikës së Shqipërisë në Pragë. Nga informacionet e deritanishme, nuk raportohet për të lënduar me shtetësi shqiptare”, përfundoi ai./Arbresh.info/
Deeply saddened by the tragic shooting in #Prague today, which resulted in the loss of innocent lives. My heartfelt condolences to the grieving families, and I hope for a swift recovery for those who were injured.
Albania stands in solidarity with our Czech friends in this…
— Igli Hasani (@IgliHasani) December 21, 2023
Mbi 15 persona janë vrarë dhe 24 janë plagosur rëndë, si pasojë e sulmit me armë zjarri në Fakultetin e Arteve të Universitetit të Karlit, në Pragë të Republikës Çeke, kanë thënë shërbimet e emergjencës.
Policia ka thënë se sulmuesi, 24-vjeçar, ka qenë student i universitetit dhe sulmi ka qenë i paramenduar.
Trupi i pajetë i tij është gjetur në ambientet e universitetit.
LEXO EDHE:
Mbi 15 persona të vrarë si pasojë e sulmit në një universitet në Pragë
KE-ja s’ua jep hisen e miliardave Kosovës e Serbisë pa zbati...
Aksident i dyfishtë në Tiranë, disa të lënduar
Nga sulmi izraelit mbi Bejrut, vriten 12 persona
Elvis Rexhbeçaj në formacionin startues të Augsburgut ndaj M...
Biden: Arritja e armëpushimit në Gaza është ende real
Odegaard do të humb nëntë ndeshje pas lëndimit