Dy persona janë arrestuar, pasi dyshohet se pas një mosmarrëveshje në Fushë Kosovë me dy persona të tjerë të panjohur, ka ardhur deri te plagosja me armë zjarri e njërit nga të dyshuarit e lartcekur, raporton Policia e Kosovës.

Sipas Policisë, i dyshuari i plagosur gjendet në QKUK për trajtim mjekësor me përcjellje policore, ndërsa tek personi i dytë i dyshuar është gjetur dhe konfiskuar një armë zjarri, shkruan Arbresh.info.

Ndërsa është identifikuar edhe personi i tret i cili ende gjendet në arrati.

“Rr.Nëna Terezë-Fushë Kosovë,20.12.2023-22:00. Janë arrestuar dy të dyshuar meshkuj kosovarë pasi që pas një mosmarrëveshje me dy të dyshuar të tjerë për momentin të panjohur ka ardhur deri tek incidenti i plagosjes me armë zjarri te njërit prej të dyshuarve të lartcekur. I dyshuari i plagosur gjendet në QKUK-së për trajtim mjekësor me përcjellje policore, ndërsa tek i dyshuari i dytë është gjetur dhe konfiskuar një pistoletë. Lidhur me rastin është identifikuar edhe i dyshuari i tretë i cili deri me tani gjendet në arrati. Është konsultuar prokurori kujdestar i cili ka lëshuar aktvendim mbi ndalimin e personave te dyshuar. Rasti është duke u hetuar”, thuhet në raportin 24 orësh të Policisë së Kosovës./Arbresh.info