Grupi Koordinues për anëtarësimin e Kosovës në Këshillin e Evropës, në takimin e radhës, tha se s`ka asnjë arsye për vonesa anëtarësimi i Kosovës në KiE.
Zëvendësministri i Punëve të Jashtme dhe Diasporës, Kreshnik Ahmeti, tha qeveria është treguar serioze drejt arritjes së progresit në këtë proces.
“Në shtator të vitit 2022 Këshilli i Evropës dha opinionin e tij dhe tha se nuk ekziston asnjë pengesë ligjore që Republika e Kosovës të jetë anëtare e Këshillit të Evropës. Pas një fushate intensive për të siguruar mbështetjen e nevojshme për të kaluar fazën e parë, më 24 prill të këtij viti në nivel të ambasadorëve arritëm të siguronim dy të tretat e votave të nevojshme për anëtarësimin e Kosovës. Kjo fazë e dytë e procesit e bëri të nevojshëm krijimin e këtij grupi koordinues. Ne jemi afër përmbylljes së dy të tretave të rrugëtimit tonë drejtë anëtarësimit në Këshillin e Evropës”, shtoi ai.
Ndërsa, Saranda Bogujevci, e cila udhëheq delegacionin e Kosovës në Këshillin e Evropës tha se Kosova qëndron shumë më mirë se shumë prej vendeve tjera që janë anëtare të këtij këshilli sa i përket të drejtave të njeriut, demokracisë e sundimit të ligjit.
Tutje Bogujevci tha se Kosova duhet të punojë shumë sa i përket lobimit, pasi sipas saj Serbia në vazhdimësi është munduar të pengojë vendin drejt këtij procesi.
“Në takimet e para që i kemi pasur në qershor të 2021 ka qenë një qasje pozitive kur i kemi pyetur se cilat janë qëndrimet e tyre që Kosova të procedojë për anëtarësim në Këshillin e Evropës. Natyrisht se si institucion bënë përfaqësimin e të drejtave të njeriut, ka aspektin e demokracisë dhe ligjit andaj edhe si vend kemi dëshmuar se qëndrojmë shumë më mirë se edhe plotë vende anëtare në Këshillin e Evropës”, theksoi ajo./rtk/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...