Pas vendimit të Gjykatës së Apelit për uljen e dënimit ndaj Salih Mustafës-Calit, ka reaguar vajza e këtij të fundit, Buna Mustafa.
Ajo në llogarinë e saj në Facebook, ka publikuar një poezi të dëshmorit, Bahri Fazliut, bashkëluftëtarit të babait të saj, teksa thotë se mes rreshtave të kësaj poezi takon dhe përqafon babin e saj, shkruan Arbresh.info.
Buna thotë se me vendimin e Apelit, po e përulin dhe shtrembërojnë historinë tonë të pastër, të larë me gjakun e të rinjve.
Lexo edhe:
Dhomat e Specializuara me njoftim të plotë për vendimin e Apelit ndaj Sali Mustafës
Postimi i saj i plotë:
Si fëmi i kam lexu poezitë e xhaxhit Bahri gjatë pushimeve. E sot si studente po i rilexoj poezitë e tij gjatë pauzave për me e taku e me përqafu babin në vizitën e pasditës në Hagë.
E qysh me i tregu xhaxhit Bahri, hero i kombit, se bashkëveprimtari e bashkëluftëtari i tij po gjykohet padrejtësisht për luftën e pastër që e bënë krah për krah? E qysh me i tregu xhaxhit Bahri që shoku i tij i ngushtë po vuan dënim në burgjet e Hagës. Sa e rëndë do ishte që heronjtë tanë, Fahri Fazliu, Afrim Zhitia, Adem Jashari, Zahir Pajaziti, Bahri Fazliu, Agron Rrahmani, Ilir Konushevci, Isa Kastrati e Sokol Sopi ta kuptonin se bashkëluftëtarin e tyre po e përulin e historinë tonë të pastër, të drejtë, e të larë me gjakun e të rinjve tanë po e shtrembërojnë aq shumë saqë nuk po mundemi të njohim as vetveten./Arbresh.info
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha
Kurti në Paris, fton kompanitë franceze që të investojnë në ...