Arrestohet 19-vjeçari në Gjakovë për armë mbajtje pa leje

17:35 | 13 Dhjetor 2023
E.H

Policia Rajonale në Gjakovë ka pranuar një e-mail se një person i dyshuar posedonte armë të paautorizuar.

Në njoftim thuhet se pas një hetimi preliminar policia ka kryer një kontroll në vendbanimin e të dyshuarit Z.G 19-vjeçar në fshatin Rugovë, përcjell Arbresh.info.

Gjatë kontrollit është gjetur dhe konfiskuar një pushkë automatike AK47 dhe një karikator.

Pas intervistimit, me vendim të prokurorit të shtetit është iniciuar rast “Mbajtje në pronësi, kontroll ose posedim të paautorizuar të armëve”, ndërsa rasti do të trajtohet në procedurë të rregullt.

“Drejtoria Rajonale e Policisë në Gjakovë, inkurajon të gjithë qytetarët për raportim të shkeljeve ligjore, qoftë në stacionin më të afërt policor, apo përmes aplikacionit digjital “Lajmëro Policinë’’, e-mail adresës [email protected] dhe numrin e telefonit kujdestar 192. Kur raportoni ngjarje negative në polici, jini të sigurt se informacioni juaj do të trajtohet në mënyrë konfidenciale”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm