Pioli para ndeshjes ndaj Newcastle: “Për ne është një finale, qëllimi ynë është të qëndrojmë në Evropë”

21:14 | 12 Dhjetor 2023
D.H

Milan luan ndeshjen vendimtare për kualifikim në Champions League nesër ndaj skuadrës së Newcastle.

Ndeshja fillon nga ora 21:00, shkruan Arbresh.info.

Teksa sot në konferencë për media Pioli tha se qëllimi i Milanit është të qëndrojë në Europë.

“Për ne është një finale, është udhëkryqi i parë i vërtetë i sezonit. Qëllimi ynë është të qëndrojmë në Evropë dhe kemi një shans, që është të fitojmë. Ne jemi të fokusuar në këtë gjë, kështu që motivimi, vëmendja, përqendrimi dhe vendosmëria e ekipit sigurisht që do të jenë në maksimum”-deklaroi Stefano Pioli.

Kujtojmë që Milani është në pozitën e fundit me pesë pikë aq sa ka edhe Newcastle në vendin e tretë, Parisi është i dyti me shtatë pikë, ndërsa Dortmundi ka siguruar kualifikim tutje për 1/8 e finales, ku ka 10 pikë.

Me një fitore Milani do të siguronte Europa League, kurse nëse Dortmundi mposht PSG dhe Milani triumfon atëherë rosonerër do të kualifikohen për fazën tjetër të Champions League./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm