Presidenti i Shteteve të Bashkuara të Amerikës, Joe Biden i ka kërkuar Kongresit të kalojë ofertën e tij shtesë për financim për Ukrainën përpara se të fillojë pushimet e fundvitit.
“Sinqerisht, mendoj se është mahnitëse që kemi arritur në këtë pikë”, thotë presidenti i SHBA-së teksa mban fjalët nga Shtëpia e Bardhë, sipas mediave të huaja.
Ai thotë se udhëheqësit e Kongresit janë të gatshëm t’i japin Putinit dhuratën më të madhe për të cilën mund të shpresonte dhe të braktisin udhëheqjen globale të SHBA-së.
“Kush është i përgatitur të largojë Putinin nga përgjegjësia? Kush është i përgatitur ta bëjë këtë?”, pyet Biden.
Ai thotë se SHBA-të janë të përkushtuara për të qëndruar me Ukrainën dhe paralajmëron se nëse Putin merr vendin “ai nuk do të ndalet me kaq”.
“Ne nuk mund ta lëmë Putinin të fitojë, është në interesin tonë dërrmues kombëtar dhe interes ndërkombëtar të të gjithë miqve tanë,” shton ai.
Presidenti amerikan thotë se republikanët ekstremë në Kongres “po luajnë me sigurinë kombëtare” dhe “po mbajnë peng financimin e Ukrainës”.
Ai u kërkon ligjvënësve të “kalojnë” ndarjet e tyre dhe të mbështesin Ukrainën, duke paralajmëruar se sytë e botës janë te SHBA./euronews.al
Përplasi për vdekje të moshuarin në Fier, vihet në pranga dr...
A ndikon vërtet ekspozimi në diell në botoks dhe fillerë?
Zgjedhjet presidenciale në SHBA, thirrje për ndryshim të lig...
Vuçiq: Në OKB pjesën më të madhe të fjalimit e kam për Kosov...
Takos – recetë për një drekë ose darkë të shpejtë pikante
Hamza: Fehmi dhe Xhevë Lladrovci janë heronj të mëdhenj dhe ...