Google ADS

U largua nga Real Madridi, për t’iu bashkuar Man Unitedit – lojtari befason me rrëfimin e tij

08:02 | 4 Dhjetor 2023
L G

Mbrojtësi i Manchester United që është në huazim te Granada, Alvaro Fernandez, thotë se mund të shohë një rrugë karriere te klubi anglez.

Fernandez është i huazuar te skuadra spanjolle nga United, ku u transferua nga Real Madrid si adoleshent.

Ai ka rrëfyer për Athletic një pjesë të rrugëtimit të tij: “Në atë kohë, ishte Brandon Williams dhe Luke Shaw dhe nuk kishte asnjë mbrojtës tjetër”.

“Manchester (United) është krejtësisht ndryshe nga Real Madridi. Ju keni jetuar me profesionistët – do të zbrisnit për mëngjes dhe do të përplaseshit me Marcus Rashford”.

“Unë pata fatin të filloja shumë mirë në Angli. Ata më dhanë çmimin e lojtarit më të mirë të të rinjve (lojtari rezervë i vitit, në maj 2022) dhe më mbështetën shumë”.

“Ishte Juan Mata, Edinson Cavani, David de Gea, të cilët më shtynë, më inkurajuan dhe u kujdesën shumë për mua. Nuk kam ankesa për këtë. Në Madrid, ndoshta është më e ndarë”, ka thënë më tej Fernandez. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm