Minsitrja e Drejtësisë, Albulena Haxhiu ka reaguar pas raportimit se një prokuror po negocionte shkatërrimin e aktakuzës me qëllim përfitimin e parave.
Me anë të një postimi në Facebook, Haxhiu thotë se nga ky përfitim prokurori Metush Biraj, ihste tërhequr nga aktakuza vetëm 3 ditë para se merrte vendim Gjykata, shkruan Arbresh.info.
“Një grua me sy të mbyllur, që në njërën dorë mban peshoren dhe në tjetrën shpatën paraqet tash e me shekuj simbolin e asaj që e quajmë Drejtësi. E verbër karshi faktorëve të jashtëm të cilët nuk mund ta cenojnë prerjen objektive me shpatë të drejtësisë. Vetëm asisoj gjykimi mbetet i drejtë”, ka shkruar Haxhiu.
Sipas saj, kjo nuk është hera e parë që shohim lajme të tilla si ai i djeshmi që u publikua nga ‘Betimi për Drejtësi’ për mënyrën se si një prokuror po negocionte shkatërrimin e aktakuzës me qëllim përfitimin e parave.
“Kështu prokurori Metush Biraj ishte tërhequr nga aktakuza vetëm 3 ditë para se merrte vendim Gjykata. Për ne që kemi jetuar në Republikën e Kosovës e dimë që ky nuk është rast i izoluar dhe ndoshta kjo është arsyeja pse ky skandal nuk merr përmasat e asaj çfarë realisht është. Ky është njëri prej shembujve ku i fuqishmi amnistohet sepse drejtësia mund të blihet dhe i varfëri vuan dënimin”, shtoi ajo.
Prandaj, ministrja Haxhiu thotë se po vazhdojnë të insistojnë në domosdoshmërinë e një procesi të vettingut, të cilit proces, sipas saj, jo pak zyrtarë nga drejtësia iu kanë frikësuar.
“Vettingut jo pak zyrtarë nga drejtësia iu kanë frikësuar, sikurse kanë bërë me secilën inciativë tonën me qëllim reformën e thellë në drejtësi. Është shqetësues fakti që Këshilli Prokurorial, të cilët reagojnë për secilin status në rrjetet sociale, nuk kanë reaguar ende për këtë skandal”, thotë Haxhiu.
Ajo ka thënë se në Kosovë nuk do të mund të ketë drejtësi të mirëfilltë pa u kthyer besimi i qytetarëve në institucionet e drejtësisë dhe ky besim nuk mund të kthehet pa e prerë qartë mendësinë e kaluar që ende nuk po shkon.
“Ndarja e qartë me këtë mendësi është procesi i vettingut që duhet ta nisim si shtet sa më parë sapo të jemi të zhbllokuar nga Gjykata Kushtetuese për t’ju drejtuar pastaj Kuvendit të Kosovës. Ashtu siç kemi thënë çdo vonesë në këtë drejtim i shërben vetëm qarkut të vjetër vicioz që nuk do të dali nga kjo valle e padrejtësisë”, u shpreh e para e Drejtësisë./Arbresh.info/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...