Aksioni i Policisë së Kosovës për kapjen e të dyshuarve për grabitjen e armatosur që u krye më 22 nëntor në Suharekë, po vazhdon, derisa raportohet se një prej të dyshuarve është vrarë e një tjetër është arratisur.
Policia e Kosovës përmes një njoftimi ka bërë të ditur se katër të dyshuar të tjerë janë arrestuar dhe deri më tani numri i të arrestuarve ka shkuar në shtatë persona, një i neutralizuar dhe një tjetër ende gjendet në kërkim policor.
“Gjatë zhvillimit të operacionit policor, një i dyshuar ka shtënë me armë zjarri në drejtim të zyrtarëve policorë duke ua rrezikuar drejtpërdrejt jetën e tyre, me ç’rast është plagosur një zyrtar policor. Zyrtarët policorë në vetëmbrojtje janë detyruar të përdorin forcën proporcionale, duke arritur të neutralizojnë një të dyshuar, përderisa katër të dyshuar të tjerë janë arrestuar. Deri më tani numri i të arrestuarve ka shkuar në shtatë persona, një i neutralizuar dhe një tjetër ende gjendet në kërkim policor”, thuhet në njoftim.
Sipas policisë të dyshuarit kanë të kaluar kriminale me dyshimet e bazuara për përfshirje në vepra penale si: vrasje, grabitje, vjedhje e rëndë, sulm, kanosje, lëndim trupor, detyrim, armëmbajtje pa leje etj.
“Vlen të potencohet se personat e dyshuar kanë të kaluar kriminale me dyshimet e bazuara për përfshirje në vepra penale si: vrasje, grabitje, vjedhje e rëndë, sulm, kanosje, lëndim trupor, detyrim, armëmbajtje pa leje etj”, thuhet tutje në njoftim./Arbresh.info/
Publikohen disa fotografi që tregojnë pamjen e brendshme të ...
Tre shkencëtarë ndajnë Nobelin në Kimi për studimin e protei...
Këto janë 9 marrëveshjet e reja të CEFTA-s
Tavo: Janë shpëtuar dy turistë të cilët kishin humbur në Mal...
Audio-incizimi i Kusari-Lilës me Radoiçiqin, deputetja e LDK...
Kjo është dita kur uragani “Milton” pritet ta godas Floridën