Reshjet e shiut në qarkun e Elbasanit kanë shkaktuar disa problematika të ndryshme mëngjesin e kësaj të mërkure. Stuhia e një nate me parë ka shkaktuar përmbytje në Librazhd.
Ku uji ka vërshuar në rrugë, e si pasojë disa persona mbetën të bllokuar në automjete. Ngjarja ka ndodhur gjatë natës dhe personat e bllokuar janë nxjerrë nga automjeti nga forcat zjarrfikëse.
Stuhia solli edhe bllokimin e aksit nacional Elbasan-Librazhd, pasi në rrugë vërshuan gurët që u shkëputën nga shpati i malit. Për fat të mirë nga kjo situatë nuk pati të lënduar. Rruga është hapur rreth orës 3:00 të mëngjesit.
Reshjet e shiut në qarkun e Elbasanit kanë vazhduar deri në mëngjesin e sotëm. Momentalisht akset rrugore nacionale e rurale janë të gjitha të hapura. Në segmentin e kthesave të Murrashit te aksit Elbasan-Qafë Thanë dhe në pjesë të aksit Gramsh-Moglicë ka pasur rënie gurësh e inertesh në rrugë të cilat janë pastruar nga firmat kontraktuese.
Prurjet e lumenjve e përrenjve janë mesatare e nuk paraqesin probleme. Kemi ndërprerje të furnizimit me energji elektrike ne Njësinë Administrativ Polis në bashkinë Librazhd, dhe në bashkinë Përrenjas e fshatrat përreth. Është duke u punuar për riparimin e defekteve./euronews
Sot fillon xhiro e nëntë në Superligën e Kosovës – një takim...
Gjykata e posaçme dënon ish anëtarin e Kushtetueses Fatos Lu...
Horoskopi, çfarë parashikojnë yjet për ju
10 Vjet nga Procesi i Berlinit, sot diskutohet për arritjet ...
Joe Biden viziton sot Gjermaninë
Arrihet marrëveshja mes Real Madridit dhe Alexander-Arnold