PDK bën homazhe në Prekaz: Edhe këtë 28 Nëntor, po festojmë pa themeluesit e UÇK-së

12:58 | 28 Nëntor 2023
E.G

Partia Demokratike e Kosovës (PDK) ka bërë homazhe në Prekaz për nder të ditës së Pavarësisë.

Me anë të një postimi në Facebook, deputeti i PDK-së, Abelard Tahiri teksa ka shpërndarë pamje ka thënë se edhe ky 28 nëntor po festohet pa ish-krerët e UÇK-së të cilët po mbahen në paraburgim në Hagë, shkruan Arbresh.info.

“Gëzuar 28 Nëntorin të gjithë shqiptarëve! Gëzuar për të gjithë ata që u angazhuan për lirinë e Kosovës. Sot përkujtojmë me nderim dëshmorët, luftëtarët e lirisë, të burgosurit politikë dhe të gjithë veprimtarët e çështjes kombëtare.
Edhe në këtë 28 Nëntor, po festojmë pa themeluesit e UÇK-së, falë të cilëve festojmë krenarë në Kosovën e lirë – Hashim Thaçin, Kadri Veselin, Jakup Krasniqin dhe Rexhep Selimin – të cilët po vazhdojnë ta mbrojnë drejtësinë e luftës sonë për liri”, shkruan ai.

Pjesë e homazheve ishte edhe Hysni Gucati i cili para pak javësh u lirua nga Haga./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm