Kosova pëson gol në minutat e fundit të pjesë së parë

21:36 | 21 Nëntor 2023
E.G

Kosova është duke humbur me rezultat 1-0 pas pjesës së parë në duelin ndaj Bjellorusisë që po zhvillohet në stadiumin “Fadil Vokrri”.

“Dardanët” e nisën më mirë ndeshjen duke rrezikuar në disa raste si dhe duke pasur posedimin e topit pothuajse gjatë tërë kohës.

Kosova rastet më të mira për gol i pati me Vojvodën, Muslijën dhe Bytyqin, por që goditjet e tyre u ndalën me sukses nga portieri mysafir.

Mysafirët shënuan gol në minutën e 43-të përmes Dmitri Antilevski e cili e zuri në befasi portierin Visar Bekaj i cili spastroi një top nga zona dhe ishte jashtë vijës së portës.

Mbetet të shihet reagimi i Kosovës në pjesën e dytë teksa kujtojmë që në bankë rezervë, përzgjedhësi Gliha ka disa opsione si Muhamet Hyseni, Altin Zeqiri dhe Meriton Korenica, që mund të bëjnë diferencën./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm