Kurti: Anëtarësimi i Kosovës në NATO, nevojë e terrenit dhe domosdoshmëri e kohës

22:36 | 20 Nëntor 2023
E.G

Kryeministri i Kosovës, Albin Kurti ka thënë se anëtarësimi i Kosovës në NATO po bëhet përherë e më shumë nevojë e terrenit dhe domosdoshmëri e kohës.

Me anë të një postimi në Facebook, Kurti tha se Partneriteti për Paqe duhet të jetë hapi i parë, shkruan Arbresh.info.

“Takimi i tretë me Sekretarin e Përgjithshëm të NATO-s Stoltenberg, kësaj radhë si nikoqir.  Kosova në NATO nuk është vetëm slogan, nuk është vetëm aspiratë. Ajo përherë e më shumë po bëhet nevojë e terrenit dhe domosdoshmëri e kohës.”, shkroi Kurti.

“Partneriteti për Paqe duhet të jetë hapi i parë, sepse me NATO-n jemi partnerë në qëllime dhe aleatë në orientime.”, përfundoi ai.

Ndryshe, takimi i tretë me radhë ndërmjet Kryeministrit të Republikës së Kosovës, Albin Kurti dhe Sekretarit të Përgjithshëm të NATO-s, Jens Stoltenberg u zhvillua sot në ndërtesën e Qeverisë së Republikës së Kosovës, diç më shumë se një vit pas takimit që kishin në Selinë Qendrore të NATO-s në Bruksel./Arbresh.info/

LEXO EDHE:

Kurti në takim me Stoltenbergun: Serbia u bë vendi i parë në Evropë që operon me armë kineze

 

Shpërndaje në rrjete sociale

Lajmet më të lexuara

Të ngjashme

Foto lajm