Kapiteni i Manchester United, Bruno Fernandes, ka insistuar se është i lumtur në klub, pavarësisht raporteve që e lidhin atë me një transferim në Arabinë Saudite.
Fernandes thuhet se kërkohet nga Fondi i Investimeve Publike të Arabisë Saudite (PIF), që ka në pronësi katër skuadra të Ligës Pro Saudite.
Pavarësisht se është kapiten i United paraqitjet dhe qëndrimi i mesfushorit kanë tërhequr kritika gjatë vitit të kaluar.
Megjithatë, 29-vjeçari ka hedhur poshtë thashethemet se ai mund të largohet nga “Old Trafford”.
“Unë jam i fokusuar te kombëtarja dhe United. Jam i lumtur ku jam. Në Kombëtare kemi pasur disa momente shumë të mira, te Manchester United nuk e nisëm ashtu siç donim. Unë nuk i shikoj thashethemet. Unë nuk u kushtoj vëmendje atyre. Sot është shumë e lehtë të përhapësh thashetheme në shtyp. Preferoj të përqendrohem në objektivat e mia”, tha ai.
Kontrata e tij skadon në vitin 2026, kohë në të cilën ai do të jetë 31 vjeç. /Lajmi.net/
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...