Policia ndalon një person në Gjilan, hyri ilegalisht në territorin e Kosovës

09:13 | 19 Nëntor 2023
E.H

Policia e Kosovës ka ndaluar një person në Gjilan i cili kishte hyrë ilegalisht në territorin e Republikës së Kosovës.

Sipas raportit 24 orësh të Policisë, në rimorkion e veturës janë gjetur mallra të ndryshme me vlerë rreth 1 mijë e 160 euro, shkruan Arbresh.info.

Me vendim të prokurorit, vetura dhe mallrat do të dërgohen në terminalin doganor.

Ndërsa i dyshuari është liruar.

“Gjilan 18.11.2023 – 08:43. Është ndaluar vozitësi mashkull kosovar, pasi që kishte hyrë ilegalisht në territorin e Republikës së Kosovës. Në rimorkion e veturës janë gjetur mallra të ndryshëm me vlerë rreth 1160 euro. Me vendim të prokurorit i dyshuari është liruar ndërsa vetura dhe mallrat do të dërgohen në terminal doganor”, thuhet në raportin 24 orësh të Policisë së Kosovës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm