Palestina luajti ndeshjen kualifikuese për Kampionatin Botëror

19:43 | 16 Nëntor 2023
D.H

Futbollistët e Libanit dhe Palestinës barazuan 0-0 në xhiron e dytë të kualifikimeve aziatike për Kupën e Botës.

Për shkak të konfliktit me Izraelin, ndeshja u luajt në Emiratet e Bashkuara Arabe pa praninë e shikuesve dhe pavarësisht dominimit të palestinezëve dhe disa rasteve të mira, fitues nuk pati.

Para fillimit të ndeshjes, palestinezët dolën në fushë me pajisje “ekstra”, dhe bëhet fjalë për të ashtuquajturat ‘Keffiyeh’ – shall tradicional nga ky vend.

Për palestinezët, ky shall është simbol i rezistencës dhe luftës për liri, dhe ata e shfrytëzuan rastin për ta prezantuar në këtë ndeshje, e cila filloi me një minutë heshtje në kujtim të atyre që vdiqën gjatë rrethimit izraelit të Gazës.

Ndryshe, dy përzgjedhjet më të mira nga secili grup do të kalojnë në raundin tjetër të kualifikimit. Në këtë grup u luajt edhe ndeshja mes Australisë dhe Bangladeshit, në të cilën australianët fituan 7-0. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm