Sunak thotë se Izraeli duhet të mbrojë civilët në Gaza

23:49 | 13 Nëntor 2023
E.H

Kryeministri i Mbretërisë së Bashkuar, Rishi Sunak, ka thënë se e mbështet të drejtën e Izraelit për të “mbrojtur veten kundër terrorit”, por se duhet bërë më shumë për të mbajtur civilët të sigurt gjatë luftës me Hamasin.

Sunak vazhdoi duke thënë se Izraeli kishte një përgjegjësi “të vepronte brenda ligjit ndërkombëtar”, shkruan BBC transmeton Arbresh.info.

“Ata duhet të marrin të gjitha masat për të mbrojtur civilët e pafajshëm, duke përfshirë spitalet. Ndaloni dhunën ekstremiste në Bregun Perëndimor dhe lejoni më shumë ndihmë në Gaza”, tha ai.

Sunak tha se Mbretëria e Bashkuar po dyfishonte ndihmën e saj për Gazën dhe po fliste drejtpërdrejt me OKB-në dhe Izraelin për marrjen e “aksesit të papenguar humanitar dhe pauzave urgjente dhe thelbësore humanitare”.

Ai ofroi gjithashtu baza britanike në Qipro si një stacion për shpërndarjen e ndihmave.

Shpërndaje në rrjete sociale

Lajmet më të lexuara

Të ngjashme

Foto lajm