Sveçla takon ministrin e Mbrojtjes së Turqisë, flasin për situatën e sigurisë dhe sfidat e të dyja vendeve

10:40 | 13 Nëntor 2023
E.G

Ministri i Punëve të Brendshme, Xhelal Sveçla gjatë qëndrimit të tij në Republikën e Turqisë është takuar me ministrin e Mbrojtjes të Republikës së Turqisë, Yaşar Güler.

Gjatë këtij takimi ministri Sveçla ka falënderuar ministrin e Mbrojtjes së Republikës së Turqisë, për mbështetjen e vazhdueshme që kanë dhënë për vendin tonë, si dhe për mundësitë e shumta për bashkëpunim mes institucioneve, përcjell Arbresh.info.

Githashtu ministrat diskutuan edhe për situatën e sigurisë dhe sfidat me të cilat po përballen të dy vendet.

Në këtë takim, ministri Sveçla ka potencuar gatishmërinë e Republikës së Kosovës për të garantuar rend dhe siguri, si dhe rëndësinë për përkrahjen e partnerëve tanë në këtë aspekt./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm