Dy “finalet” e Italisë, Spalletti fton 29 futbollistë

21:32 | 10 Nëntor 2023
KRG

Luciano Spalletti ka shpallur listën e kombëtares italiane për dy finalet kundër Maqedonisë së Veriut dhe Ukrainës. Në garë është një biletë në Euro 2024, aty ku të kaltrit e kanë detyrim pjesëmarrjen.

Por, më parë duhen siguruar 4 pikë në sfidat me maqedonasit në “Olimpico” (17 nëntor) dhe tri ditë më pas ndaj Ukrainës në “BayArena”, stadiumin e Bayer Leverkusen.

Ose 3 me kombinimin humbje me Maqedoninë e Veriut dhe fitore në “finalen” e fundit me Ukrainën.

Spalletti ka ftuar 29 futbollistë. Davide Calabria, kapiteni i Milanit, rikthehet në Kombëtare. Ndërkohë që ka ardhur ftesa e parë për Andrea Cambiason (Juventus) dhe Andrea Colpanin (Monza).

Tek Italia rikthehen edhe emra si Jorginho (Arsenal), Rafael Toloi (Atalanta) dhe Alessandro Boungiorno (Torino).

Ndërkohë, Ciro Immobile i Lazios duhet të presë për t’u rikthyer te kampionët në fuqi të Europës.

Shpërndaje në rrjete sociale

Lajmet më të lexuara

Të ngjashme

Foto lajm