Mediet spanjolle: Reali heq dorë nga Mbappe, në sulm për Haaland

10:23 | 10 Nëntor 2023
K.B

Agjentja e sulmuesit të Manchester Cityt, Erling Haaland raportohet se është parë në “Santiago Bernabeu” të mërkurën mbrëma.

Rafaela Pimenta, agjentja e ylli norvegjez, sipas medieve britanike, u pa në fitoren e Real Madridit kundër Bragas.

“Cadena SER” raporton se Real Madrid ka hequr dorë nga nënshkrimi i yllit të PSG-së, Kylian Mbappe dhe në vend të tij, norvegjezi tani është objektiv kryesor i gjigantit spanjoll.

Megjithatë, qendërsulmuesi është i lidhur me Manchester Cityn deri në vitin 2027.

Mirëpo, siç raportohet, City ka të ngjarë të kërkojë një çmim marramendëse nëse Reali dëshiron ta blejë Haaland-in./rtk

Shpërndaje në rrjete sociale

Lajmet më të lexuara

Të ngjashme

Foto lajm