Ministrja e Arsimit, Shkencës, Teknologjisë dhe Inovacionit, Arbërie Nagavci ka pritur në takim njoftues ambasadorin e ri të Hungarisë në Kosovë, Béla Boszik.
Gjatë takimit, ministrja Nagavci dhe ambasadori Boszik diskutuan për bashkëpunimin e deritashëm mes Kosovës dhe Hungarisë në arsim, në veçanti për mbështetjen e madhe që ka dhënë Hungaria për studentët nga Kosova përmes programit të bursave, si dhe mundësinë e nënshkrimit të një memorandumi të mirëkuptimit në të ardhmen, në kuadër të Programit të bursave, përcjell Arbresh.info.
Nagavci ka uruar ambasadorin e ri dhe e ka falënderuar për krijimin e mundësive të shumta për studentët tanë që të studiojnë në universitetet hungareze.
Tutje bahskëbiseduesit shprehën gatishmërinë për të thelluar bashkëpunimin në arsim.
Ndër të tjera, Nagavci e vlerësoi të rëndësishëm bashkëpunimin Kosovë-Hungari në fushën e arsimit, me theks të veçantë në arsimin e lartë.
Ndërsa, ambasadori, Béla Boszik tha se Hungaria do të vazhdojë të mbështesë studentët nga Kosova, ndërsa theksoi faktin se, numri i aplikantëve kosovarë në Programin e bursave është disa herë më i lartë sesa kuota të cilën e përcakton Programi./Arbresh.info/
Dhjetë gabime që ndikojnë në gjumin tonë dhe si t’i sh...
Një mbretëri e fshehur virusesh jeton në zorrët tona
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...