Interi mbrëmë arriti të fitoj ndeshjen e katërt në Champions League, ndaj Red Bull Salzburg, me rezultat 1-0.

Me këtë fitore Interi ka arritur të sigurojë kualifikimin për fazën eliminatore, dy ndeshje pa përfunduar faza e grupeve, shkruan Arbresh.info.

Ky nuk ishte suksesi i vetëm i Interit gjatë natës së mbrëmshme, ata morrën një lajm shumë të mire, pasi pas kësaj fitore kualifikohet direkt në Kupën e Botës për klube 2025.

Sipas Sky Sport Italia Interi iu bashkua ekipeve evropiane si Real Madridi, Chelsea, Manchester City.

UEFA ka 12 vende për Kupën e Botës për Klube, e cila do të organizohet nga SHBA në qershor 2025. Fituesit e Ligës së Kampionëve nga viti 2021 deri në 2024 kualifikohen automatikisht në këtë garë, ndërsa skuadrat e tjera përcaktohen nga një renditje e klubeve për një periudhë katërvjeçare.

Kualifikimi i Interit për fazën e 16 më të mirëve në Champions League këtë sezon do të thotë se tani ka fituar vendin në Kupën e Botës për Klube, ku do të ketë 32 ekipe për herë të parë ndonjëherë.

Këto klube tashmë janë kualifikuar në Kupën e Botës të Klubeve 2025:

Real Madrid,Manchester City, Chelsea, Flamengo, Palmeiras, Wydad Casablanca, Al Ahly, Monterrey, Seattle Sounders, Leon, El Hilal, Urawa Reds, Fluminense dhe Inter./Arbresh.info/