Google ADS

Të dyshuarit për kontrabandim me emigrantë tentojnë ta sulmojnë policinë në Leposaviq

22:07 | 8 Nëntor 2023
E.G

Disa persona të dyshuar për kontrabandim me emigrantë kanë tentuar t’i godasin me veturë disa pjesëtarë të  Njësisë së Reagimit të Shpejtë në Leposaviq.

Policia është dashur t’i përdorë edhe armët e zjarrit pasiqë ngasësi nuk e respektoi urdhrin për ndalim.

Lajmin për Arbresh.info e ka konfirmuar zëvendësdrejtori i Policisë për rajon e Mitrovicës, Veton Elshani i cili bëri të ditur se nuk ka zyrtarë policor të lënduar.

“Rasti ka ndodhur sot, janë dyshuar për kontrabandë me migrantë, zyrtarët policorë nuk janë lënduar. Personat të cilët kanë tentuar të godasin me veturë zyrtarët policorë janë në kërkim nga Policia e Kosovës, nuk janë arrestuar, ndërsa 10 emigrantë janë dërguar në stacionin e Policisë për hetime të mëtutjeshme”, tha Elshani./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm