Arrestohet drejtori i Shërbimeve Publike të Fushë Kosovës, dyshohet për keqpërdorim të pozitës zyrtare

15:00 | 6 Nëntor 2023
L G

Drejtori i Shërbimeve Publike në Komunën e Fushë Kosovës, M.B është arrestuar nën dyshimin se ka keqpërdorur detyrën zyrtare.

Këtë e ka bërë të ditur Prokuroria Themelore në Prishtinë, raporton Arbresh.info.

“Prokuroria Themelore në Prishtinë, njofton opinionin publik se Prokurori i Shtetit ka lëshuar aktvendim mbi ndalimin e M.B., Drejtor i Shërbimeve Publike në Komunën e Fushë Kosovës, për shkak të dyshimit se ka kryer veprën penale “Keqpërdorimi i pozitës apo autoritetit zyrtar”, sipas KPRK-së”, bënë të ditur prokuroria.

I dyshuari sipas prokurorisë, është ndaluar me urdhër të prokurorit në kohëzgjatje prej 48 orësh, derisa ndaj të njëjtit do të ndërmerren veprime të mëtejme ligjore, si dhe për këtë çështje penale do të vazhdojë ndërmarrja e veprimeve hetimore në koordinim me Policinë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm