Pacolli- Qeverisë: Ku mbeten premtimet elektorale, katastrofë

11:37 | 2 Nëntor 2023
K.B

Ish presidenti i Kosovës, Behgjet Pacolli ka reaguar pasi partia e Lëvizjes Vetëvendosje e ka bllokuar mocionin e opozitës për të diskutuar për grevën e minatorëve të Trepçës dhe kërkesat e Policisë së Kosovës.

Pacolli e sheh këtë si një katastrofë, duke pyetur se ku kanë mbetur premtimet elektorale.

“Nuk e kuptoj pse Vetëvendosje (shumica e kuvendit) bllokon mocionin e opozitës për të diskutuar rastet e minatorëve dhe policisë, në parlamentin e Kosovës. Ku mbetet morali politik, ku mbeten premtimet elektorale… katastrofë’, shkruan Pacolli në Facebok.

Ndryshe sot Kuvendi i Kosovës është duke mbajtur seancë plenare, Partia Demokratike e Kosovës(PDK), Lidhja Demokratike e Kosovës(LDK) dhe Aleanca për Ardhmërinë e Kosovës(AAK), e kanë lëshuar seancën, si shkak proteste për mospërkrahje të rezolutave të propozuara.

Në Rezolutën e propozuar nga opozita, kërkohej që të diskutohej gjendja e minatorëve të Trepçës dhe protesta e zyrtarëve policor./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm