Arsen Wenger për “Djajt e kuq”: “Nuk shoh se mund të përmirësohen”

23:47 | 31 Tetor 2023
D.H

Arsene Wenger, kundërshtar i një mijë betejave në Premier League me “Djajtë e Kuq”, tregon dhembshuri për Manchester United.

“Në fund të fundit, më vjen keq për një klub kaq të madh, sepse nuk ka shpresë. Në thelb nuk e shoh se ku mund të përmirësohen. Ky ekip sot ka humbur besimin, cilësinë dhe madje edhe shpirti luftarak është zhdukur,” tha për francezi BeIN Sport, duke komentuar humbjen e rëndë 3-0 në derbin ndaj City-t të Guardiolës.

Roy Keane, nga ana tjetër, sulmoi Bruno Fernandesin një ditë më parë:

“Unë patjetër do t’i hiqja shiritin e kapitenit. E di që është një vendim i rëndësishëm, por Fernandes nuk është kapiten: ai është një lojtar i talentuar, nuk ka dyshim për këtë, por unë mendoj se ai ankohet shumë, vazhdimisht ngre krahët në ajër (për t’u ankuar) dhe kjo nuk është e pranueshme. Është e kundërta e asaj që pres nga një kapiten.”/ss

Shpërndaje në rrjete sociale

Lajmet më të lexuara

Të ngjashme

Foto lajm