Drejtori i FBI-së, Christopher Wray, paralajmëroi sot se sulmi i Hamasit ndaj Izraelit mund të shërbejë si frymëzim për kërcënimet terroriste në SHBA.“Veprimet e Hamasit dhe aleatëve të tij do të shërbejnë si frymëzim, të cilin nuk e kemi parë që kur ISIS nisi të ashtuquajturin kalifat disa vite më parë”, tha Ray, sipas Reuters.
Ai shtoi se që nga fillimi i konfliktit izraelito-palestinez në Gaza në fillim të këtij muaji, organizata të shumta të huaja terroriste kanë bërë thirrje për sulme ndaj amerikanëve dhe Perëndimit, duke rritur ndjeshëm kërcënimin e ekstremistëve të dhunshëm në SHBA.
Në SHBA, numri i incidenteve antisemitike është rritur me rreth 400 për qind që kur grupi militant palestinez Hamas sulmoi Izraelin më 7 tetor, njoftoi Lidhja Anti-Degamation (ADL).
Antisemitizmi ishte tashmë në rritje në SHBA para luftës, me gati 3,700 incidente antisemite të raportuara vitin e kaluar, më shumë se çdo vit që kur ADL filloi të gjurmonte problemin në 1979.Departamenti Amerikan i Drejtësisë tha se ata po monitoronin kërcënimet në rritje ndaj hebrenjve dhe myslimanëve për shkak të konfliktit në Lindjen e Mesme dhe Presidenti Joseph Biden dënoi antisemitizmin dhe islamofobinë në SHBA./Euronews Albania/
Paqartësi rreth Procesit të Berlinit, Kosova kushtëzohet nga...
Rashica gjen golin e parë në edicionin e ri me Besiktasin
Peci bën homazhe tek ish-profesorët e tij që u vranë në ’98-...
Sovraniteti i Urdhrit Bektashi/ Selia Botërore e Bektashinjv...
Roma shënon fitoren e parë në Serie A këtë edicion
Instruktorë të ushtrisë turke realizuan trajnim teorik e pra...