Hoti me kritika ndaj Kurtit pas miratimit të buxhetit

16:26 | 31 Tetor 2023
KRG

Qeveria e Kosovës sot ka miratuar buxhetin për vitin 2024, i cili ndërkohë pritet të procedohet në Kuvend për shqyrtim dhe miratim.

Pas këtij vendimi, ka reaguar deputeti i Lidhjes Demokratike të Kosovës (LDK), Avdullah Hoti.

Hoti me anë të një postimi në facebook, ka thënë se mjetet e parapara në buxhet, janë “vetëm shifra abstrakte”, shkruan Arbresh.info

Postim i plotë:

Miratimi i buxhetit për 2024 do të duhej të ishte lajmi kryesor i ditës dhe i muajit. Por askujt nuk i bën përshtypje. Nga përvoja e tri viteve të fundit me këtë qeveri, secili e ka të qartë se mjetet e parapara në buxhet janë vetëm shifra abstrakte.
Në tri vite mandat, kjo qeveri ka menaxhuar 8.63 miliardë euro. As shenjë nuk ka se ku janë harxhuar gjithë ato mjete. Njësoj siç nuk ka shenjë në Prishtinë nga 8 vite qeverisje lokale 2014-2021, ku janë shpenzuar rreth 400 milionë euro.

 

Shpërndaje në rrjete sociale

Lajmet më të lexuara

Të ngjashme

Foto lajm