Zyra e Prokurorit të Specializuar (ZPS) po vazhdon operacionet e bastisjes në Kosovë.
Sot është duke u bastistur edhe shtëpia e Artan Behramit, ish-këshilltarit të Hashim Thaçit sa ishte president.
Lajmin për Arbresh.info e ka konfirmuar ZPS.
Në një përgjigje me shkrim, ZPS bën të ditur se operacioni po mbështetet nga Policia e Kosovës dhe EULEX-i.
“Zyra e Prokurorit të Specializuar (ZPS) është duke zhvilluar operacione të vazhdueshme në Kosovë. Operacionet e PSP-së po mbështeten nga Policia e Kosovës dhe Misioni i Bashkimit Evropian për Sundimin e Ligjit në Kosovë (EULEX)”, thuhet në përgjigjen e tyre.
Ndryshe, gjatë ditës së djeshme janë bastisur edhe shtëpitë e ish-këshilltarëve të Hashim Thaçit, Blerim Shala e Bashkim Smaka.
LEXO EDHE:
Bastisja e Behramit po ndodh një ditë pasi ai përmes një statusi në Facebook ka kritikuar Gjykatën Speciale se po dënon vetëm shqiptarët, duke e quajtur atë fashiste.
“Gjykata Speciale është fashiste, sepse përndjek, arreston dhe dënon vetëm shqiptarët. Prokuroria është në panik! Po humb çdo betejë juridike! Ndërsa, gjykata në përpjekje për të ndihmuar prokurorinë, seancat tragjike-komike po mundohet t’i mbulojë me spektakle.”, u shpreh ai.
“Bastisja e shtëpive të kolegëve, Blerimit dhe Bashkimit, është skandaloze dhe e paprecedent! Blerim Shala ka qenë pengesë vetëm për regjimin e Millosheviqit dhe ky regjim e kishte arrestuar atë disa herë. Për katër dekada, Shala ka qenë njëra ndër figurat intelektuale që ka dhënë një kontribut të pashlyeshëm në rrugën për liri, pavarësi dhe shtetndërtim!”, shtoi ai./Arbresh.info/
LEXO EDHE:
Behrami pas bastisjes: Specialja është fashiste, dënon vetëm shqiptarët
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...