Kryetari i Preshevës, Shqiprim Arifi ka akuzuar kryeministrin e Kosovës, Albin Kurti, për neglizhencë dhe mosdhënie të mbështetjes së duhur ndaj shqiptarëve në Luginën e Preshevës.
Ai për RTSH-në tha se Lugina e Preshevës nuk po e gëzon mbështetjen e duhur nga qeveria e Kosovës, madje me Marrëveshjen e Ohrit, u varros aspirata e Luginës për t’u bashkuar me Kosovës.
“Kurti ka ndryshuar qëndrim, ku më pak se një vit më parë, ai ka folur për reciprocitet dhe për shqiptarët në Luginën e Preshevës. Kurti e ka varrosur të gjitha mundësitë që ne të jemi pjesë e Kosovës,” u shpreh Arifi.
Sipas Arifit, qeveritë e mëparshme në Kosovë, kanë pasur disa diskutime për shqiptarët e Luginës, por me ardhjen e Kurit dhe qasjen e tij me këtë dialog e bën të pamundur perspektivën e Luginës.
Kujtojmë se Arifi disa herë ka akuzuar Qeverinë Kurti, madje nuk ka marrë pjesë as në takimin e Kurtit me përfaqësuesit e Luginës.
Në Qeverinë Kurti, ndërkaq janë dy këshilltarë nga partia rivale e Arifit (PVD). Është Ardita Sinani (ish-kryetare e Preshevës), këshilltare e kryeministrit Kurti, dhe ish-kryetari i Këshillit Kombëtar, Ragmi Mustafa, këshilltar politik i zëvendëskryeministrit Besnik Bislmi.
Qeveria e Kosovës vitin e kaluar i ka ndarë 2 milionë euro mbështetje për Luginën e Preshevës.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite