Sot luhet dy sfida në kuadër të xhiros së gjashtë në elitën e basketbollit kosovar.
Bashkimi është nikoqire e Trepçës, në kryendeshjen e kësaj dite, shkruan Arbresh.info.
Kjo sfidë fillon nga ora 19:00 dhe luhet në palestrën “Sezai Surroi”, në Prizren.
Trepça në këtë sfidë vjen pas humbjes së thellë në kuadër të Fiba Europe Cup nga skuadra e ZZ Leiden, me rezultat 84-54.
Ndërsa Bashkimi ndeshjen e fundit e luajti ndaj Sigal Prishtinës, vikendin që lamë pas në kuadër të Superligës së Kosovës në Basketboll, “Arpagjikt” u mposhtën nga kryeqytetasit me rezultat të ngushtë 91-89 në atë sfidë.
Bashkimi aktualisht ka tre fitore dhe dy humbje në elitën e basketbollit, pas pesë ndeshjeve.
Ndërsa se Trepça është aktualisht në vendin e tretë në tabelë ndërsa me një fitore ditën e sotme kthehet në vendin e dytë.
Takimi tjetër i kësaj dite është ndërmjet Istogut dhe Vëllaznimit.
Sfida fillon nga ora 16:00 dhe luhet në palestrën “Mizair Isma”, në Rahovec.
Të dy këto skuadra janë në kërkim të fitores së dytë në elitë, teksa kanë nga një fitore dhe katër humbje pas pesë sfidave./Arbresh.info/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...