Komunikimet në Gaza u rivendosën pjesërisht të dielën në mëngjes, sipas dy ofruesve të shërbimeve dhe një grupi monitorues.
Palestine Telecommunications (Paltel) njoftoi në një postim në faqen e saj në Facebook se linjat fikse, celulare dhe lidhja e internetit po riktheheshin gradualisht pasi u ndërprenë rëndë të premten në mbrëmje, shkruan CNN transmeton Arbresh.info
“Pavarësisht nga serioziteti i situatës në terren, ekipet tona teknike ishin dhe po bëjnë ende gjithçka në fuqinë e tyre për të riparuar sa më shumë dëme në rrjet, sa më shumë që të jetë e mundur dhe brenda mundësive të disponueshme”, tha Paltel në deklaratën e saj të dielën.
Kompania e Telekomunikacionit Jawwal gjithashtu njoftoi të dielën se shërbimet e saj të telekomunikacionit “po riktheheshin gradualisht”.
Në një përditësim të veçantë të postuar në X (ish-Twitter), organizata e monitorimit të internetit NetBlocks tha se trafiku i internetit po rikthehej në Gaza.
“Konfirmuar: Të dhënat e rrjetit në kohë reale tregojnë se lidhja e internetit po rikthehet në Rripin e Gazës; shërbimi u ndërpre të premten në mes të bombardimeve të rënda nga Izraeli, duke lënë shumicën e banorëve të shkëputur nga bota e jashtme në një moment kritik”, thuhet në mesazh.
Kompania e telekomunikacionit në pronësi të Katarit, Ooredoo, e cila gjithashtu ofron shërbim celular në Gaza, nuk dha një përditësim për ndonjë rifillim të shërbimit.
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent