Politikani shqiptar dhe ish-zëvendëskryeministri, Genc Pollo ka komentuar zhvillimet e fundit në dialogun Kosovë-Serbi si dhe deklaratën e përbashkët të liderëve të shteteve kryesore të Bashkimit Evropian pas takimit në Bruksel me kryeministrin Albin Kurti dhe presidentin Aleksandar Vuçiq.

Pollo ka thënë se në komunikatën e lëshuar nga Scholz, Macron dhe Meloni u tha thelbi i propozimit franko-gjerman e që është “Kosova të themelojë Asociacionin, dhe Serbia të ofrojë njohjen de-facto”.

Pollo e ka konsideruar këtë si një ofertë të drejtë, derisa të krijohen kushtet për një njohje të ndërsjellë diplomatike.

Kjo është një ‘quid pro quo’ e drejtë. Derisa të krijohen kushtet për një njohje të plotë të ndërsjellë diplomatike. Puna është se duhej deklarata e përbashkët e liderëve të Gjermanisë dhe Francës për ta deklaruar këtë publikisht”, ka shkruar Pollo në platformën “X”.

Gjithashtu ai ka shkrar se në konkluzionet e Këshillit të BE-së pas takimeve në Bruksel përmendet vetëm Asociacioni, por jo edhe njohja de-facto nga Serbia./Arbresh.info

🧵 on Kosova/Serbia latest:
1/
First time the essence of the so-called Franco-German proposal for normalizing relations btw Kosova and Serbia expressed:

“Kosovo …to establish the Association of Serb-Majority Municipalities …and Serbia to deliver on de-facto recognition”

— Genc Pollo (@GencPollo) October 28, 2023