Google ADS

Po barte dru ilegalisht në Shtërpcë, të dyshuarit i konfiskohet automjeti

12:12 | 28 Tetor 2023
K.B

Policia e Kosovës ka konfiskuar një furgon i cili po transportonte dru ilegalisht nga malet në fshatin Brod të Shtërpcës.

Në njoftimin për media nga policia, mësohet se ndaj shoferit është shqiptuar fletëparaqitje gjobë nga Drejtoria për Administrimin e Parkut Kombëtar “Sharri”.

“Policia i ka marrë veprimet e nevojshme, ka konfiskuar mjetin për dokumentacion të parregullt, ndërsa ka njoftuar edhe zyrtarët e Drejtorisë për Administrimin e Parkut Kombëtar ‘’SHARRI’’, të cilët kanë dalë në vendin e ngjarjes dhe kanë shqiptuar fletëparaqitje ndaj një personi për transport ilegal, ndërsa furgoni me drunjë është konfiskuar”, bën të ditur njoftimi.

Policia e Kosovës ka kërkuar nga qytetarët që nëse kanë informacione rreth prerjes, transportit apo shitjes ilegale të druve, të njoftojnë menjëherë policinë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm