Vuçiq: Askush nuk përmendi sanksione ndaj Serbisë

21:34 | 26 Tetor 2023
E.G

Presidenti i Serbisë, Aleksandër Vuçiq tha se gjatë takimeve nuk është diskutuar për sanksione ndaj Serbisë.

Këtë ai e tha pas përmbylljes së maratonës takimesh të enjten në Bruksel.

“Askush nuk përmendi asnjë sanksion kundër Serbisë, dëgjoj që të tjerët i përmendën”, tha Vuçiq i pyetur nga një gazetar se si reagojnë përfaqësuesit e bashkësisë ndërkombëtare kur paraqesin pikëpamjet e tyre dhe nëse është diskutuar ndonjë sanksion gjatë bisedimeve me zyrtarët evropianë në Bruksel, shkruan Tanjug, përcjell Arbresh.info.

Ai theksoi se kur flitet për këtë duhet bërë një ndryshim i madh.

Presidenti serb është shprehur se Serbia në përputhje me politikën e saj, ka thënë qartë se dëshiron të zbatojë të gjitha marrëveshjet që janë nënshkruar, nga Marrëveshja Themelore e vitit 2013 deri në marrëveshjet që u arritën më vonë në Bruksel dhe Ohër, si dhe se Serbia nuk mund ta pranojë pavarësinë e Kosovës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm