FC Ballkani pësoi humbjen e tyre të parë në stadiumin “Fadil Vokrri” sonte ndaj FC Astanës me rezultat 1-2, ndeshje kjo e vlefshëm për fazën e tretë të grupeve në Conference League.
Pas përfundimit të ndeshjes, trajneri i skuadrës së Suharekës, Ilir Daja është deklaruar për media, ku ka thënë se problemi më i madh sonte ishte gabimi në pasime, shkruan Arbresh.info.
“Pas gjithë fitoreve në ‘Fadil Vokrri’ erdhi një humbje që është e pritshme në futboll. Humbja erdhi në momentin tonë më të mirë. Nuk është dramë e madhe sepse kemi bërë shumë”, ka thënë fillimisht trajneri i Ballkanit.
“Por humbja erdhi edhe për meritë të kundërshtarit. Ishte ditë jo e mirë për ne për mënyrën se si humbnim topat në pasimin më të thjeshtë. Shumë aksione të kundërshtarit u ndërtuan nga gabimet tona”.
“Natyrshëm që nuk kemi pse ta ulim kokën sepse kemi bërë gjithë atë histori. Ndoshta nuk ishte ky momenti për të humbur”.
“Ne bëmë gabime në pasime të thjeshta dhe kundërshtari e shfrytëzoi duke marrë kontrollin e lojës. Por, sot jam krenar me futbollistët e mi, ashtu siç kam qenë edhe para një jave, edhe para dy jave”.
“Kjo humbje nuk besoj se do të ndikoj ndonjë gjë te ne sepse në fund fare, kemi bërë dy herë historinë, me dy pjesëmarrje në fazën grupore”.
“Kjo është historia më e madhe. Nuk ka qenë rastësi sepse ndodhi dy herë rresht. Kur ka vazhdimësi, nuk ka arsye për ta ulur kokën, sepse rezultati i pranon tri rezultatet” – ka thënë Daja. /Arbresh.info/
Kryeministri britanik: Vaksina kundër obezitetit ndihmon eko...
Kapiteni i klubit “Bashkimi”, Altin Morina: Luftojmë për çdo...
Policia në rajonin e Mitrovicës së jugut po realizon fushatë...
Balluku: Së shpejti nis ndërtimi i stacioneve të hekurudhës ...
Këshilltari i Kurtit: Jo zbatim të pjesshëm të marrëveshjes,...
Sulmohet fizikisht një person para Gjykatës Themelore në Pej...